影片
更多
2019-02-26
1934 瀏覽
我覺得黎金碧食飯需要一定既勇氣～幫老公約食生日飯，我地一行十人首先要預早book位，我打左十次八次都唔通，到打到第一次有人聽時，可能剛好係午市，接電話的人，態度較差，非常趕收線仲叫我之後要打多次黎叫餸第二轉打去叫餸，特登揀六點頭打去，成功落哂餸，對方叫我落訂$500，到時食飯個日拎返入數紙就可。我入數後，第三轉打去，因爲有餸想更改同順便講聲入左數，對方有抄底要改餸的，但最後我都係無改餸🙄🙄我地七點到，間酒家係真係好old school既，好明顯係食個種情懷～仲要枱枱都係book左位，唔會有街客入黎～等緊齊人時想嗌個小吃送下酒職員提議小炒皇或义燒同椒鹽鮮尤我地本身有落椒鹽鮮尤既，但如果食左呢，就無得再加多碟🙄🙄🙄我都明玩法要落餸先就係等酒家約食材時方便d，始終都係屋村內既小酒家，唔預有walk-in客，但都唔係預到咁吻水，多小小都無吧😓最後 我地都叫左碟义燒送下酒稱唔上好食。。。講返當晚預先訂既餸：豬肺湯交到功課既 每人有兩碗有杏汁味但唔算濃 有朋友唔好杏汁都飲到豬肺份量都多 洗得乾淨生菜包好大碟 跟兩份生菜都食唔哂有馬蹄 蠔豉 有咬口且爽口炸雲吞雲吞皮炸得乾身 個汁酸甜度剛好炸子雞唔熱
幫老公約食生日飯，我地一行十人
首先要預早book位，我打左十次八次都唔通，到打到第一次有人聽時，可能剛好係午市，接電話的人，態度較差，非常趕收線仲叫我之後要打多次黎叫餸
第二轉打去叫餸，特登揀六點頭打去，成功落哂餸，對方叫我落訂$500，到時食飯個日拎返入數紙就可。
我入數後，第三轉打去，因爲有餸想更改同順便講聲入左數，對方有抄底要改餸的，但最後我都係無改餸🙄🙄
我地七點到，間酒家係真係好old school
既，好明顯係食個種情懷～仲要枱枱都係book左位，唔會有街客入黎～
等緊齊人時想嗌個小吃送下酒
職員提議小炒皇或义燒同椒鹽鮮尤
我地本身有落椒鹽鮮尤既，但如果食左呢，就無得再加多碟🙄🙄🙄
我都明玩法要落餸先就係等酒家約食材時方便d，始終都係屋村內既小酒家，唔預有walk-in客，但都唔係預到咁吻水，多小小都無吧😓
最後 我地都叫左碟义燒送下酒
稱唔上好食。。。
講返當晚預先訂既餸：
豬肺湯
交到功課既 每人有兩碗
有杏汁味但唔算濃 有朋友唔好杏汁都飲到
豬肺份量都多 洗得乾淨
生菜包
好大碟 跟兩份生菜都食唔哂
有馬蹄 蠔豉 有咬口且爽口
炸雲吞
雲吞皮炸得乾身 個汁酸甜度剛好
炸子雞
唔熱 微暖 胸位好鞋
蜜汁鱔球
我第三次打去話已經入左錢既時候，順手講埋想取消呢味，轉梅菜扣肉，對方話無問題。點知最後，都係無轉到。。。我行埋櫃枱問，佢仲話我有寫低架，但我唔記得邊張枱轉🙄🙄🙄大佬呀，咁你唔問？何況我打電話黎通知你入左數時，我點會無講自己姓乜邊張枱呀？？？😤😤😤
最後要即場再加碟梅菜扣肉😓
仲有椒鹽鮮魷，魚腸蒸蛋，薑汁芥蘭，梅菜扣肉無影到。。。
仲未完架。。。
我訂菜時，話要薑汁芥蘭，到d餸上到七七八八時，我地問呀姨們，仲差個薑汁芥蘭喎，佢先話我地無芥蘭喎😡😡😡
無芥蘭都算啦，咁你主動講聲都應該吖，我唔問你唔講，佢地仲覺得我地應該要知佢地今日無芥蘭咁喎，咁請問我訂餸黎做乜？？？
老實講，d餸既好味程度完全唔夠cover服務態度同出錯。我明班姨姨同個老闆娘係做開熟客生意，未必鐘意或者恨有一班年輕人入黎幫襯，唔知頭唔知路咁，但都唔係咁呀嘛？態度唔洗話咁寸咁無禮貌吖？
如果d野食真係話好正好正宗好懷舊，外面完全食唔到既，你串都有道理，但又唔係喎，都唔知佢憑乜可以咁囂張！
呢間野，要有預左受一肚氣既心理準備先好幫襯😠😠😠
張貼
