玉桃軒酒家 (鱷魚恤中心)

營業中

休息中

超強颱風過後我同老公岀去飲茶，近近地去觀塘大食一餐。2個人5個點心加一個飯好飽好滿足。潮州蒸粉果$23.8（小點）潮州粉果，餡料爽口，沙葛加上脆花生，非常爽口仲有肉碎同蝦米好香。菠菜鮮蝦餃$42.8（特點）蝦肉彈牙，菠菜份量合多，餃皮好薄，唔錯。安蝦鹹水角$35.8（中點）外皮香脆少油，外脆內軟，裏面餡料有蝦米豬肉，鹹香十足。四寶滑雞扎$42.8（特點）好多料，有冬菇，魚肚，雞肉同埋火腿，大件夾抵食。香滑流沙包$38.8（大點）就快中秋節，好掛住奶黃流心月餅，專登點籠流沙包，d流沙夠多又甘香。叉燒飯$58叉燒偏瘦，少少燶邊，如果多啲汁撈飯就更好。