影片
更多
2024-03-13
15 瀏覽
成日聽人講九龍城寨喺三不管嘅地方，聽落都知道危險。估吾到今日來到天后，哩嗰餐廳仲危險。面對呢度既打邊爐美食，附近啲靚女，竟然變成不管儀態，不管減肥計劃，同埋不管男友感受。無計，呢度裝修打卡able，食材又好，真係管吾到咁多。🍖叫左咁多樣，意想唔到嘅係，我地最中意食炸魚片頭，由於佢係即炸嘅關係，外面輕微沾上油份，而且熱辣辣，點埋個泰式甜辣醬，好食到冇朋友。店員話可以用黎打邊爐，最後你一舊我一舊，連放落湯底嘅機會都冇。🍖第二好味係海鮮，除左蟶子同元貝非常新鮮飽滿之外，我地叫既卜卜蜆湯底，亦都應記一功。見住啲蜆煮好之後隻隻開口，就知道佢本身係幾咁新鮮。而大量嘅蜆肉，就成就左非常鮮甜嘅湯底，用來淥蟶子同元貝，之後根本就唔使用咩調味料，如果真係想要調味，其實飲埋啖湯就係最好嘅配搭。🍖牛肉按我自己打邊爐嘅慣例，主要就係食本地手切牛肉，同樣地牛肉坑紋鎖住湯汁，更加容易凸顯牛肉鮮味。黎度更加厲害嘅放左大量嘅洋蔥絲喺個碟面度，同洋蔥去淥，洋蔥嘅辛辣刺激左味蕾，而且連埋牛肉一齊咬，洋蔥嘅汁液，加上湯底鮮味，完全昇華左牛肉既味道。🍖有非常新鮮蔬菜，冰豆腐，同墨魚滑，雖然我地兩個人叫左咁多野食，但係竟然都食曬
🍖叫左咁多樣，意想唔到嘅係，我地最中意食炸魚片頭，由於佢係即炸嘅關係，外面輕微沾上油份，而且熱辣辣，點埋個泰式甜辣醬，好食到冇朋友。店員話可以用黎打邊爐，最後你一舊我一舊，連放落湯底嘅機會都冇。
🍖第二好味係海鮮，除左蟶子同元貝非常新鮮飽滿之外，我地叫既卜卜蜆湯底，亦都應記一功。見住啲蜆煮好之後隻隻開口，就知道佢本身係幾咁新鮮。而大量嘅蜆肉，就成就左非常鮮甜嘅湯底，用來淥蟶子同元貝，之後根本就唔使用咩調味料，如果真係想要調味，其實飲埋啖湯就係最好嘅配搭。
🍖牛肉按我自己打邊爐嘅慣例，主要就係食本地手切牛肉，同樣地牛肉坑紋鎖住湯汁，更加容易凸顯牛肉鮮味。黎度更加厲害嘅放左大量嘅洋蔥絲喺個碟面度，同洋蔥去淥，洋蔥嘅辛辣刺激左味蕾，而且連埋牛肉一齊咬，洋蔥嘅汁液，加上湯底鮮味，完全昇華左牛肉既味道。
🍖有非常新鮮蔬菜，冰豆腐，同墨魚滑，雖然我地兩個人叫左咁多野食，但係竟然都食曬。其實我地都變成三不管，食左先至講。
✨️已故巨星羅文曾經講過，不管你是姓什麼，也不管你是何星座，佢都可以用好歌捉摸你心窩，依度全晚都播住陳慧琳，古巨基，鄭秀文等經典歌曲，聽到薛凱琪嘅奇洛李維斯的回信，差啲喊左出嚟，原來係因為洋蔥吖!
真係肚腩同埋思想完全得到慰藉既一晚。
張貼
