影片
更多
2019-05-05
381 瀏覽
前排新聞出左香港好多壽司店啲壽司有蟲又有重金屬，好彩睇左選擇發現峰壽司好安全，即刻約個friend出黎食下壽司先～😍一直都知峰壽司多人食，所以已經六點半去食，點知都等左大半個鐘🤦🏻♂️七點三度終於入到去！即刻叫左個春の三文魚盛食下先！個三文魚卷真心好好食，我本身已經好中意食海膽魷魚，加埋落壽三文魚卷真係好正！其他三文魚壽司都好特別，加左配菜啲壽司口感好左。跟著有三點刺身盛，無咩特別，反而壽司好食啲。因為個三文魚卷太好食，叫多左個再食，點知第二次叫細件左，啲海膽魷魚又少左...好失望...另外叫左櫻鯛盛，啲櫻鯛比我想像中淡，不過口感好好，好爽口彈牙！其他普通壽司都正常水準，比一般連鎖壽司店新鮮同好食，最驚喜無諗過叫左既清酒好甜好易入口好襯壽司。雖然峰壽司比較貴，不過真係比其他連鎖壽司店好食好多，期待下一次再食😍
一直都知峰壽司多人食，所以已經六點半去食，點知都等左大半個鐘🤦🏻♂️
七點三度終於入到去！即刻叫左個春の三文魚盛食下先！個三文魚卷真心好好食，我本身已經好中意食海膽魷魚，加埋落壽三文魚卷真係好正！其他三文魚壽司都好特別，加左配菜啲壽司口感好左。
跟著有三點刺身盛，無咩特別，反而壽司好食啲。
因為個三文魚卷太好食，叫多左個再食，點知第二次叫細件左，啲海膽魷魚又少左...好失望...
另外叫左櫻鯛盛，啲櫻鯛比我想像中淡，不過口感好好，好爽口彈牙！
其他普通壽司都正常水準，比一般連鎖壽司店新鮮同好食，最驚喜無諗過叫左既清酒好甜好易入口好襯壽司。
雖然峰壽司比較貴，不過真係比其他連鎖壽司店好食好多，期待下一次再食😍
春の三文魚盛，鯖魚壽司，帆立貝壽司
17 瀏覽
0 讚好
0 留言
三點刺身盛
11 瀏覽
0 讚好
0 留言
千尋海老壽司，三文魚卷
12 瀏覽
0 讚好
0 留言
櫻鯛盛
8 瀏覽
0 讚好
0 留言
𩶘魚盛，魚背壽司，中吞拿魚壽司，油甘魚壽司
5 瀏覽
0 讚好
0 留言
蔥粒吞拿魚腩細卷
13 瀏覽
0 讚好
0 留言
淡麗純米
23 瀏覽
0 讚好
0 留言
張貼
