Greyhound Café (ELEMENTS圓方) (已結業)

之前小弟都有聽朋友講過呢間餐廳好好食，今日就嚟咗呢間餐廳食午餐，不過我自己就覺得稱不上為好食值得一讚嘅係餐牌上面有好多唔同款式嘅set，小弟覺得比其他餐廳仲要多，基本上食lunch都可以唔使睇散餐餐牌。set就包左一款前菜、主食同飲品。呢個蘑菇湯，飲得出真係用蘑菇整，因為飲落會食到細細粒嘅蘑菇，但係成個湯蘑菇味唔重，唔叫得上為好飲。平時其他餐廳啲蘑菇湯可能飲到最尾會覺得好漏，但係呢個飲完唔無呢種感覺。而且個湯完全唔夠熱，好失望。至於呢個飯，同樣地都係唔熱，扣晒分！食落去會覺得有少少辣。個飯有啲濕，有可能係啲汁，撈埋哂一齊有啲似食緊BB飯如果咁嘅質素比呢個價錢，就真係冇下次喇。