祥興記上海生煎包 (已結業)

搭巴士時路過見到門口好多人，今日去開深水埗買野，當然要去試下虛實。好彩我地入到鋪頭有兩個位，岩岩好，唔洗等位。唸完一大輪終於揀到食咩，兩份套餐。等左一陣，每人兩隻嘅傳統生煎包送到，生煎包好熱，皮薄好多湯，豬肉普普通通啦。雲吞麵同排骨麵隨後送上，湯底好淡，麵質欠彈牙感，雲吞係上海細細粒果種，炸排骨放左係湯入面溶化左脆口感無左，傷心💔。果然生煎包鋪，應該食生煎包，麵就忘記吧。生煎包係好味嘅，但價錢偏高，如果生煎包做大隻點，偏低嘅性價比會升番小許。（備註：相中嘅麵係自制雙併，餐牌無架）