三橋一品日本料理 (已結業)

有日去朋友屋企幫手整啲野，整完朋友就話知我鍾意食刺身壽司，已經訂左位，就係佢屋企附近食放題，就係咁就去左呢間三橋試下喇。可能我地早去，6點鐘左右唔係太多客，坐得都幾舒服，唔使坐得好迫第一樣就緊係試下啲壽司同刺身啦，款式唔算多，但係都幾新鮮，三文魚夠肥，柱貝都幾鮮味，壽司就叫左小小試下，唔想食咁多飯影響戰鬥力，都唔錯，唔會太酸，師父又練得好實淨，唔似回轉壽司果啲咁一夾就散晒，仲有個訂枱先有得送既泰式生蝦刺身，配埋個汁真心唔錯。之後到熟食，串燒炸物，普通中上咁啦，串燒都冇話燒到乾晒柴皮咁，係個燒海蝦唔錯，啲肉好實，唔係用啲死左好耐既蝦。另外要讚既係佢地啲服務幾好，好細心話我地知落單要寫枱號，飲品係邊到拎，仲有問我地個位冷氣會唔會太勁，因為我地有女仔同小朋友，呢下真係warm。下次入開沙田既話我都會再去食