影片
更多
2020-11-30
4647 瀏覽
好鍾意黎大鴻輝食野，上上下下啲餐廳都差唔多食過啦，今次黎試下廿一前先，除左打邊爐，好似仲有好多野食咁喎。入座後先湯底，揀左甜豉油同麻辣鴛鴦鍋，鴛鴦鍋唔使加錢，但麻辣湯要，哈哈，咁奇怪嘅，不過出黎食野預左啦。講返個湯底，甜豉油幾啱口味，無過甜。麻辣湯正，少麻少辣好啱我，打到尾都無過鹹同爆油，正喎。入座會送人頭份量嘅刺身，泰式生蝦，同是日海鮮。三樣都唔錯好新鮮，泰式生蝦又其正，個辣汁好好味。火鍋料除左店內自助櫃任食外，仲有肥牛片（本圖），雞肉（上圖）同豬肉片（唔記得影……）。個人偏愛肥牛，牛質素唔錯，半肥瘦入口嫩滑，配上麻辣湯勁正。自助區有風乾火腿同芝士，有驚喜喎，無諗過火鍋店有呢啲食，仲幾好味添，芝士正呀！仲有冷盤嘅海鮮，自己就無試啦，朋友話幾新鮮無雪味，唔錯喎。炸物系列，有洋蔥圈呀～仲有串燒呢～店員提醒要廿十分鐘左右，建議落左單先打邊爐。再攞盤菜沙律食下先，咁就唔怕淨係掛住食肉啦。蔬菜區居然有花生苗食，呢個香港少見呀，食落係有花生味嘅大條芽菜，哈哈，好得意～甜品有蛋糕仔同水果，個人勁愛甜，先來試哂咁多款先，咖啡蛋糕好正，抹茶紅豆杯仔都好好味，其他都唔差㗎，軟綿綿又濕潤，放題店黎講合格有
入座後先湯底，揀左甜豉油同麻辣鴛鴦鍋，鴛鴦鍋唔使加錢，但麻辣湯要，哈哈，咁奇怪嘅，不過出黎食野預左啦。講返個湯底，甜豉油幾啱口味，無過甜。麻辣湯正，少麻少辣好啱我，打到尾都無過鹹同爆油，正喎。
入座會送人頭份量嘅刺身，泰式生蝦，同是日海鮮。三樣都唔錯好新鮮，泰式生蝦又其正，個辣汁好好味。
火鍋料除左店內自助櫃任食外，仲有肥牛片（本圖），雞肉（上圖）同豬肉片（唔記得影……）。個人偏愛肥牛，牛質素唔錯，半肥瘦入口嫩滑，配上麻辣湯勁正。
自助區有風乾火腿同芝士，有驚喜喎，無諗過火鍋店有呢啲食，仲幾好味添，芝士正呀！
仲有冷盤嘅海鮮，自己就無試啦，朋友話幾新鮮無雪味，唔錯喎。
炸物系列，有洋蔥圈呀～
仲有串燒呢～店員提醒要廿十分鐘左右，建議落左單先打邊爐。
再攞盤菜沙律食下先，咁就唔怕淨係掛住食肉啦。
蔬菜區居然有花生苗食，呢個香港少見呀，食落係有花生味嘅大條芽菜，哈哈，好得意～
甜品有蛋糕仔同水果，個人勁愛甜，先來試哂咁多款先，咖啡蛋糕好正，抹茶紅豆杯仔都好好味，其他都唔差㗎，軟綿綿又濕潤，放題店黎講合格有餘。
店內仲有軟雪糕機，揀左綠茶味，幾濃唔錯，旁邊仲有好多topping可以落，落左麥皮堅果碎同oreo，正正正。
飲品就唔算多野揀，有多款口味嘅汽水，不過有無糖茶飲對我黎講就夠啦，糖分quota留返食甜品，呵呵～總括黎講多野食又無漏單，店員勤快有禮，值得一試。
張貼
