影片
更多
2005-12-16
11 瀏覽
事發係早兩個星期既事, 朋友又提議去好麵線食飯. 見有新野出, 我地又試下, 就係下面doraemonc 講既二人套餐.汽鍋雞清清地, 無乜藥材味, 唔識係咪正宗, 但我地覺得都幾好味.我唔鍾意食魚, 怕腥怕吐骨, 不過朋友好想試酸辣魚, 亦都甘願冒要一個人食晒既危險, 咁無理由唔比佢叫. 上檯先知原來魚片下面係一大鍋米線, 都好, 我食唔到魚都可以食米線. 魚片果然好多骨, 不過無乜泥味, 腥味亦唔重, 朋友仲話算幾滑添. 我食左一件就放棄, 轉攻米線. 呢度既米線好爽, 我不嬲都鍾意食, 不過個酸辣魚就算我地order左小辣都好辣, 係舌頭覺得火燒果種辣, 所以食得唔暢快.雖然酸辣魚米線好大窩, 但由於唔岩口味, 我心理上依然覺得唔多滿足, 於是明知食唔晒d野, 都要叫番個雞絲海蜇. 好彩呢味保持一貫水準, 好味.套餐送既甜品豆腐花, 亦都係一貫水準----一樣咁硬. 不過今次多得窩酸辣魚, 令我地想食番d甜野解辣, 以致兩碗豆腐花不致於原封不動.雖然今次既新菜式唔多岩口味, 不過間唔中黎都見佢有新野出, 都值得鼓勵既.
汽鍋雞清清地, 無乜藥材味, 唔識係咪正宗, 但我地覺得都幾好味.
我唔鍾意食魚, 怕腥怕吐骨, 不過朋友好想試酸辣魚, 亦都甘願冒要一個人食晒既危險, 咁無理由唔比佢叫. 上檯先知原來魚片下面係一大鍋米線, 都好, 我食唔到魚都可以食米線.
魚片果然好多骨, 不過無乜泥味, 腥味亦唔重, 朋友仲話算幾滑添. 我食左一件就放棄, 轉攻米線. 呢度既米線好爽, 我不嬲都鍾意食, 不過個酸辣魚就算我地order左小辣都好辣, 係舌頭覺得火燒果種辣, 所以食得唔暢快.
雖然酸辣魚米線好大窩, 但由於唔岩口味, 我心理上依然覺得唔多滿足, 於是明知食唔晒d野, 都要叫番個雞絲海蜇. 好彩呢味保持一貫水準, 好味.
套餐送既甜品豆腐花, 亦都係一貫水準----一樣咁硬. 不過今次多得窩酸辣魚, 令我地想食番d甜野解辣, 以致兩碗豆腐花不致於原封不動.
雖然今次既新菜式唔多岩口味, 不過間唔中黎都見佢有新野出, 都值得鼓勵既.
張貼