味來中菜餐廳 (已結業)

味來中菜 係太子新開嘅餐廳，老公已經率先試咗晚市後大讚好味道，我今日係太子做嘢，都專程去食個午飯。餐廳有大大個魚缸係門口位置，除咗海鮮仲有小炒，午市精選套餐好抵食，星期一至日都供應，大約五十元奉送湯加飲品。💎 梅菜蒸肉餅 $48呢個係午市套餐，價錢便宜但份量足夠。手剁肉餅夠薄身，口感豐富有咬口，梅菜微甜送飯一流。💎 紅燒脆皮乳鴿 $48金黃香酥，肉嫩多汁，吃完手指都沾滿肉香。💎 椒鹽魷魚鬚 $58魷魚彈牙，魷魚鬚炸過後洒上避風塘料，香口惹味。人均消費💰 ： ＄ 77總結✍ ： 菜式惹味，午餐價錢便宜。