花甜囍室 (已結業)

尋晚係太子附近行街，經過依個新舖，就心思思咁買杯黑糖珍珠厚奶黎試下😋😋😋依間新舖都係台灣過江龍黎，啱啱係太子開第一間香港分店。店員推介我飲黑糖珍珠厚奶，話珍珠係用黑糖慢熬，無加額外嘅糖落去杯嘢飲裡面。飲落第一啖，奶味好重，加埋上面嗰層嘅奶霜，奶味更香濃、口感更滑。珍珠係出色嘅，食落好煙韌，唔會痴埋一舊舊，或者好易就好硬。黑糖味都越咬珍珠，就越出。整體黎講，我覺得整杯黑糖珍珠厚奶都ok, 但我本人唔太喜愛太重奶味，可能鍾意牛奶嘅朋友仔會愛上。