一品螞蟻 (已結業)

5點去到hollywood plaza唔知道食咩好，一向都覺得螞蟻幾好食，所以就打算入去食返個甜品。最後叫左個香蕉梳乎厘班戟伴雪糕，結果...我要一等再等... 由1710落單，過左40分鐘，1750終於到啦！我成日覺得o的甜品焗完會好香，不過o里個甜品有無咩香味，不過又真係好大碟！食左一啖，都仲暖暖地，幾好！不過望真的，個甜品出水呀！唔知會唔會係洗完碟o既積水！最好食就係舊雪糕，有好多朱古力碎同好濃味！如果唔係要等成40分鐘，都會考慮再食！