京香閣 (已結業)

之前成日見到d人講片皮鴨放題，自己一直都好想試一，因為我都係片皮鴨fans。今次就同朋友黎到呢到，片皮鴨放題可以自己出去拎，食幾多自己睇到，好方便。而且仲可以睇住師博即場切，好正。片皮鴨既質素都唔錯，而且配料都好新鮮好香，絕對值得食。不過呢度既皮就比較油，食得太多可能會比較滯，如果黎食就記得跟返自己既份量拎。 砂鍋花膠雞湯同埋原隻鮑魚花菇呢兩道菜係會附送既，都幾高質，特別係鮑魚，係原隻鮑魚，而且煮得好腍好入味。而雞湯亦好濃郁，入面仲有大大塊花膠，又好飲又滋陰。 其餘既食物仲有好多款，以下既係要落紙叫既，即叫即製。其中要推介小籠包同山東大包，因為會連埋籠一齊送上枱，蒸氣會不斷冒出黎，熱辣辣好正。而且小籠包亦好高質，入面既湯汁好多好香濃，值得一試。 除左落紙叫既野食，仲有一部分食物係好似自助餐咁，放係出面自己拎。而其中既冷盤都非常高質素，例如鎮江肴肉同五香牛肉，兩款都係肉味香濃，而且食得出好新鮮。除此之外，多春魚亦好唔錯，除左炸得香脆，多春魚本身都真係好多春，咬落又香又有口感。