船渦

營業中

休息中

粥底火鍋呀蒸海鮮呀愈開愈多，一路食開北角x心，難得見CWB有，於是book檯一試。電話打左好多次(講緊幾日啦) 都無人聽，仲cut線😤，已經有少少想轉呔唔食，但最後都book到咁照去啦。用餐時間得2個時段，我地揀左8點半果個，未夠鐘已經到，同其他食客一樣響門口企等入座，店員清左早一輪後陸續放人。我地2個人食，只可以坐Bar檯，不過好嘅在於傾計方便過打對面坐。為左節省manpower，呢度係用平板點餐嘅，我地分別點左最平(九品芝麻)同最貴(八府巡按)，然後一個揀魚湯米線、一個係粥底。粥底果個一開始就幫你落芋頭呀果啲配料，但最後係唔識幫你壓爛佢地嘅，咁個粥點會杰身呢🤔🤔🤔肉類3選2係可以叫晒同一款，所以我地全部叫牛；一分錢一分貨之下安格斯牛係有肉味嘅，肥牛就係普通貨色。丸類亦都可以揀想要嘅，唔一定跟set要勻3款，質素一般，食過就算😂海鮮值得一讚，夠新鮮好乾淨👍份量嚟講，即使揀最平果set都夠飽。當晚蠔做緊promotion所以我地點埋，質素唔錯。由於全自助，檯面有指引教你每樣食物要蒸幾耐，亦都有計時器幫你計住，汁醬同甜品(雪糕)就行出去檯拎，基本上再handicapped 的人都應付到。