影片
更多
2018-05-18
124 瀏覽
早前見到麥記話某天每間分店送1000 杯奶茶，聽講係趁機cut 去早上$11 包既優惠...拿我呢就唔係特登去輪米同d 公公婆婆爭既~ 我如常九點先去到，仲有派，到我十點食完都仲派緊，其實唔係好多人攞囉。佢當日收銀隔離有個專櫃，就是行埋去，攞一杯，然後走人，that’s it. What makes it different, 係原來除左免費送杯茶俾你，仲會連埋張coupon，可以以$10 換購一個新出既包。咁本身我都會打算另外叫一個包既，好啦就試埋呢個啦！個包呢，叫"芝蛋脆雞堡"，完全係舊酒新瓶----相信用呢四個字黎形容，大家都大概即刻口入面已經幻想到係咩味喇，而雞肉係麥香雞包個塊"淋" 雞。我其實好少食麥香雞包，麥樂雞近年都少左，通常係食成塊"真" 雞肉既板燒雞腿或者脆辣雞腿包。我覺得呢隻麥香雞既質地係好人造而唔好食，而且一d 都唔脆唔知點解可以夾落新包就叫芝蛋"脆" 雞堡...應該試一次就算。但係奶茶質素我則覺得幾唔錯，叫做"港式奶茶"，係捷榮既出品。平時如果唔係McCafe 都有兩隻奶茶，我通常飲三合一，因為覺得茶包個隻好重草青味。但呢一隻呢，因為係錫蘭茶葉，有一種自帶微酸，
What makes it different, 係原來除左免費送杯茶俾你，仲會連埋張coupon，可以以$10 換購一個新出既包。咁本身我都會打算另外叫一個包既，好啦就試埋呢個啦！
個包呢，叫"芝蛋脆雞堡"，完全係舊酒新瓶----相信用呢四個字黎形容，大家都大概即刻口入面已經幻想到係咩味喇，而雞肉係麥香雞包個塊"淋" 雞。我其實好少食麥香雞包，麥樂雞近年都少左，通常係食成塊"真" 雞肉既板燒雞腿或者脆辣雞腿包。我覺得呢隻麥香雞既質地係好人造而唔好食，而且一d 都唔脆唔知點解可以夾落新包就叫芝蛋"脆" 雞堡...應該試一次就算。
但係奶茶質素我則覺得幾唔錯，叫做"港式奶茶"，係捷榮既出品。平時如果唔係McCafe 都有兩隻奶茶，我通常飲三合一，因為覺得茶包個隻好重草青味。但呢一隻呢，因為係錫蘭茶葉，有一種自帶微酸，有d 似水果既氣息，飲落會多一種層次，同埋聞落好香。呢個紙杯仲特別有個凹凸設計，唔知係for 存熱定令你手揸時無咁熱呢﹖
張貼
