為食公司 (已結業)

從街坊谷得知此餐廳最近新開，並有優惠15蚊特價丼，故特意試食。新張特價丼，暫定做到6月尾，每星期一款，逢星期二更換。今個星期係滑蛋併牛肉，賣相靚過吉吉家已覺得抵，佢既雞蛋炒得好滑，好多蛋汁，15蚊算係咁。另外，晚餐都係一星期轉一次，今晚就試左B 餐同E 餐。豬扒併豬仔骨配意粉，意粉有咬口，但個豬仔骨就太淋。至於個香忌廉鮮蝦天使面，個汁好creamy, 個蝦夠爽口。整體而言，性價比高!