雲來軒 (已結業)

呢間餐廳嘅話梅雞簡直就是絕！勁好食，每次同朋友一起去叫半只就有一大煲，醬汁充滿酸甜嘅話梅香味，雞肉嫩滑入味，太好送飯啦。水芙蓉蒸明蝦球，呢道菜太鮮美啦，個蛋嫩滑鮮甜，火候掌握得好好。金磚豆腐外脆裏嫩滑，少少椒鹽味，好正！最後嘅甜品喺一流嘅陳皮紅豆沙，紅豆沙煮到好絲滑，完全見唔到粒粒嘅紅豆啦，加上切得好細嘅陳皮，非常香濃，想再來多一碗。