20
13
11
等級3
39
0
該屋村獨市
2014-04-13 1168 瀏覽
如果唔計要行過去牛池灣街市嗰邊，坪石邨夜晚9點幾之後仲開嘅食肆只有呢間，都算係獨市，好似開到1點。好在都不過不失，唔算太過難食，尚可接受的。佢嘅 鹵水鵝 都幾入味，唔會太過死鹹。大腸墨魚 - 大腸有鹵水香，軟「林」，容易咬，唔會「𡁻」唔到，乾淨，無其他異味。墨魚彈牙。韭菜豬紅 - 啲豬紅好多，嗰汁用黎撈飯食好正。小炒皇 - 樣樣料都有啲，炒得剛剛好，唔錯。豉椒鵝腸 - 一般般，醬汁幾夠味。味菜鮮魷 - 亦屬一般。沙爹雞煲 - 雞有雪味，建議食沙爹金菇肥牛煲好過，佢啲沙爹會加少少菠蘿粒落去調味，我唔食菠蘿，所以覺得唔落可能仲正。薑葱魚頭煲 ， 椒鹽鮮魷 - 都幾香口。魚香茄子 - 正正常常，好送飯，不過有時人多，茄子會煮得唔夠「林」。京都骨 - 酸酸甜甜，醬汁夠味，醒胃，不過略嫌太大「舊」，好難咬，如果斬細件一點會容易食啲。唔多推介嘅有蠔仔粥同例湯，蠔仔粥雖然蠔仔幾大粒，不過幾腥下，啲冬菜粒又大粒得滞，搞到好鹹，個湯底唔多好食，唔會有人地嗰啲大地魚湯嘅香味。例湯好假，有時飲就䶢到味精湯咁，有時又好似溝水溝出黎咁。而且食碟頭飯至免費送一碗，叫餸的話無論你叫幾多餸，都無得免費，都要收錢。不過
更多
如果唔計要行過去牛池灣街市嗰邊，坪石邨夜晚9點幾之後仲開嘅食肆只有呢間，都算係獨市，好似開到1點。好在都不過不失，唔算太過難食，尚可接受的。佢嘅 鹵水鵝 都幾入味，唔會太過死鹹。大腸墨魚 - 大腸有鹵水香，軟「林」，容易咬，唔會「𡁻」唔到，乾淨，無其他異味。墨魚彈牙。韭菜豬紅 - 啲豬紅好多，嗰汁用黎撈飯食好正。小炒皇 - 樣樣料都有啲，炒得剛剛好，唔錯。豉椒鵝腸 - 一般般，醬汁幾夠味。味菜鮮魷 - 亦屬一般。沙爹雞煲 - 雞有雪味，建議食沙爹金菇肥牛煲好過，佢啲沙爹會加少少菠蘿粒落去調味，我唔食菠蘿，所以覺得唔落可能仲正。薑葱魚頭煲 ， 椒鹽鮮魷 - 都幾香口。魚香茄子 - 正正常常，好送飯，不過有時人多，茄子會煮得唔夠「林」。京都骨 - 酸酸甜甜，醬汁夠味，醒胃，不過略嫌太大「舊」，好難咬，如果斬細件一點會容易食啲。唔多推介嘅有蠔仔粥同例湯，蠔仔粥雖然蠔仔幾大粒，不過幾腥下，啲冬菜粒又大粒得滞，搞到好鹹，個湯底唔多好食，唔會有人地嗰啲大地魚湯嘅香味。例湯好假，有時飲就䶢到味精湯咁，有時又好似溝水溝出黎咁。而且食碟頭飯至免費送一碗，叫餸的話無論你叫幾多餸，都無得免費，都要收錢。不過間中唔知係咪無咩生意，有多湯剩，又會好間唔中一次半次免費送你一碗。另外豉椒排骨炒麵，麵夠脆，不過排骨無咩味，入唔到味。
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐途徑
堂食