影片
更多
2023-08-11
1261 瀏覽
介紹返💁🏻♀️。。🇯🇵 日本料理 在銅鑼灣 🇯🇵。岩鹽日本料理 Rock Salt Japanese Restaurant。利舞臺廣場16樓A號舖。日本黑豚吉列盛合定食Kurobuta Cutlet Como Set。HKD268 + 10%九州魚生丼定食Kyushu Sashimi Sushi Rice Bowl。HKD268 + 10%🤫 生日飯第二擊～今餐係老友V選址嘅..就係位於銅鑼灣利舞臺嘅岩鹽日本料理..果然係老友呀吓..知道我最鍾意食日本嘢😆🤫 我哋七點左右嚟到已經半個場滿咗..睇嚟呢間餐廳都幾受歡迎喎..坐低㨴吓個Menu..最後決定一人一個Dinner Set..貪佢沙律刺身枝豆漬物泡菜味噌湯..嘢飲或者甜品全部都有齊晒..方便又快捷🤫 我揀嘅九州魚生丼定食都幾靚仔..七件魚生片六種魚..睇得出嘅有拖羅一片赤身一片..鯛魚一片油甘魚一片三文魚一片..另外兩種白身魚唔識..魚片嘅Size適中但都幾厚切..另外仲有少量海膽三文魚籽一隻牡丹蝦同埋兩片帆立貝..淨係數食材都數咁耐..你就知有幾足料啦🤭最緊要係飯嘅份量恰到好處..唔會令到我食過龍🤫 然後老友叫咗個黑豚吉列盛合.
。
。
🇯🇵 日本料理 在銅鑼灣 🇯🇵
。岩鹽日本料理 Rock Salt Japanese Restaurant
。利舞臺廣場16樓A號舖
。
日本黑豚吉列盛合定食
Kurobuta Cutlet Como Set
。HKD268 + 10%
九州魚生丼定食
Kyushu Sashimi Sushi Rice Bowl
。HKD268 + 10%
🤫 生日飯第二擊～今餐係老友V選址嘅..就係位於銅鑼灣利舞臺嘅岩鹽日本料理..果然係老友呀吓..知道我最鍾意食日本嘢😆
🤫 我哋七點左右嚟到已經半個場滿咗..睇嚟呢間餐廳都幾受歡迎喎..坐低㨴吓個Menu..最後決定一人一個Dinner Set..貪佢沙律刺身枝豆漬物泡菜味噌湯..嘢飲或者甜品全部都有齊晒..方便又快捷
🤫 我揀嘅九州魚生丼定食都幾靚仔..七件魚生片六種魚..睇得出嘅有拖羅一片赤身一片..鯛魚一片油甘魚一片三文魚一片..另外兩種白身魚唔識..魚片嘅Size適中但都幾厚切..另外仲有少量海膽三文魚籽一隻牡丹蝦同埋兩片帆立貝..淨係數食材都數咁耐..你就知有幾足料啦🤭最緊要係飯嘅份量恰到好處..唔會令到我食過龍
🤫 然後老友叫咗個黑豚吉列盛合..都幾有睇頭..跟嗰份刺身質素都好唔錯..然後前菜系列嘅Kimchi同三式漬物都真係幾好送飯..老友最鍾意呢度嘅枝豆..佢話爽口好味..一路食一路讚..吉列盛合部份有一塊厚身黑豚..半肥瘦系列啖啖肉..另外仲有吉列池魚仔..炸粉雖然比較厚但係炸得夠脆口同埋唔會油膩..除咗以上兩樣嘢之外仲有塊吉列蝦餅..蝦味都幾濃..同埋一開始唔知道係乜嘢嘅炸波波.. 咬開先知原來係炸帆立貝..都幾鮮味而且仲好Juicy
🤫 嘢食上齊食完之後傾多陣計..餐廳侍應姨姨就問我哋想要嘢飲定甜品..老友V揀咗MOVENPICK嘅Crème brûlée味雪糕..而我就要咗杯椰青水..Haha..老實..真係好少見日式餐廳會有椰青水做飯後飲品..都幾搞笑..但係椰青水質素又幾OK喎..椰青味好濃
🤫 總括嚟講..岩鹽日本料理嘢食質素OK..價錢切合銅鑼灣餐廳價位..最重要係地方坐得夠舒服..呢度都算係銅鑼灣其中一個適合大家一大班人一齊聚餐嘅好地方
。。
翻兜指數：🙆🏻♀️🙆🏻♀️ （5個🙆🏻♀️為翻兜爆燈）
。。
張貼
