煲仔榮記 (已結業)

今日同表弟去旺角行街，諗住去食下午茶，跟手就帶佢去食一間好出名嘅餐廳「榮記煲仔」其實呢間嘢已經係第二次食,第一次冇post因為真係唔係咁好味，因為呢間舖係新開嘅分店啲嘢未到位我都覺得情有可原，今次第二次食啲嘢食都唔係太好味，今次都係點咗佢最出名嘅沙爹牛肉煲仔麵，味道係好濃，不過咸得濟，要自己加水撈淡少少蕃茄濃湯牛肉麵，味道一般，純蕃茄味，欠缺層次感，最後自己加啲蝦油同蒜蓉油，味道先出返嚟。老實講呢間嘢除咗裝修係頗有特色之外，嘢食真係一般般，而且款式唔多選擇。呢個懷舊特色嘅裝修值得一讚如果大家唔介意食物嘅味道純粹想懷舊一下香港嘅特色大排檔可以去試下。我就唔會再去食第三次㗎啦。