舞心拉麵 (已結業)

炎夏下午三點幾，銅鑼灣想食拉麵，但見豚王喺呢個唔太繁忙嘅時間依然有十個八個年青人喺門外排隊，粗身大細嘅我無謂同人逼，等等下箋中暑暈低累街坊… 直接行入舞心吧！點左個濃味豬骨湯拉麵，即係黑蒜油+豬骨湯，店家稱湯底用豬骨豬腦淆成，都真係好『滋補』喎！但最令我驚艷嘅係佢片豬腩肉切成嘅叉燒，肥美得入口即溶… 好回味！麵條，溏心蛋同配料中規中舉。如果以八十幾蚊呢個價錢，多幾片叉燒就perfect!另外值得一讚嘅係服務：侍應一般會奉上凍茶，但佢地見到我就主動俾暖水… 多謝你地嘅觀察力同埋熱心，但我都係要凍茶