影片
更多
2015-11-11
1762 瀏覽
之前睇某雜誌介紹過呢間隱身於觀塘工業區大廈嘅甜品店，佢新推出左個紫薯芝士撻，睇雜誌張相真係好吸引！適逢朋友生日，壽星女又勁鍾意紫色，所以決定買個撻黎試試😁.Search facebook搵到呢間餅店嘅地址同contact, 於是whatsapp佢地預留個撻俾我（我預早左1星期），負責人覆得好快同好有禮貌，appreciate!慶祝朋友生日當晚照約定時間大約6點上到佢鋪頭拎撻，其實棟工業大廈都幾近地鐵站，觀塘站D出口再直行約5分鐘。不過出左lift要花少少時間再搵搵，因為間野出面無明顯門號同店名。入到去見到一間素色主調嘅細房，放置左2張小梳化同1張茶几。有2位應該係店員嘅哥哥見到我入黎就問我係咪xx訂左個紫薯撻，我諗呢個時間得我一位訂左cake😂 佢地好有禮貌咁俾杯茶我，招呼我坐底等佢地拎個撻俾我。因為我唔記得事先講話要寫生日牌，要麻煩佢地即時整俾我，等左約15分鐘。佢地service真係好好！Order左15cm(約1磅）的size. $220. 睇落好似好迷你，但拎上手好'聚'手，應該落足料😳個撻上面唧滿紫薯，好紫好靚，壽星女見到都好開心！😍 店家採用鹿兒島紫薯，糖亦係用日本的糖，可
Search facebook搵到呢間餅店嘅地址同contact, 於是whatsapp佢地預留個撻俾我（我預早左1星期），負責人覆得好快同好有禮貌，appreciate!
慶祝朋友生日當晚照約定時間大約6點上到佢鋪頭拎撻，其實棟工業大廈都幾近地鐵站，觀塘站D出口再直行約5分鐘。不過出左lift要花少少時間再搵搵，因為間野出面無明顯門號同店名。
入到去見到一間素色主調嘅細房，放置左2張小梳化同1張茶几。有2位應該係店員嘅哥哥見到我入黎就問我係咪xx訂左個紫薯撻，我諗呢個時間得我一位訂左cake😂 佢地好有禮貌咁俾杯茶我，招呼我坐底等佢地拎個撻俾我。因為我唔記得事先講話要寫生日牌，要麻煩佢地即時整俾我，等左約15分鐘。佢地service真係好好！
Order左15cm(約1磅）的size. $220. 睇落好似好迷你，但拎上手好'聚'手，應該落足料😳個撻上面唧滿紫薯，好紫好靚，壽星女見到都好開心！😍 店家採用鹿兒島紫薯，糖亦係用日本的糖，可見用料不計成本，有誠意！食個時會見紫薯微粒同纖維，味道亦覺天然。紫薯同芝士份量比例係1:1。芝士餅方面，果然好扎實，似係New York cheesecake嘅質感，芝士味亦很濃郁。另外值得一讚嘅係個撻皮都唔馬虎，充滿牛油香！yummy!
張貼
