金撈老鴨湯刺身火鍋專門店 (已結業)

武漢肺炎肆虐，全球人心惶惶。為食嘅我同女朋友宅在家抗疫多日，實在忍唔住要出去搵下好野食。係尖沙咀行行下就諗到想打邊爐，之前聽過朋友極力推介依間金撈老鴨湯刺身火鍋專門店，今日有機會一於黎試下。一入到店內，店員就熱情款待我地。向我地推介佢地店招牌嘅「金撈富貴老鴨湯」以及必點嘅火鍋材料。 店員會首先向每位分一碗老鴨湯：濃郁嘅鴨香就基本啦，湯入面嘅素翅同蟲草花，更令口感一流，有畫龍點睛嘅效果！第一道菜係活魚刺身。超薄切嘅刺身上灑上金箔，個賣相首先滿足咗我地打咭需要。食一啖，我同女朋友對一對望，再嘩咗聲，然後不出五分鐘就食哂呢碟活魚。唔係講笑，好食過出面好多日本料理，好鮮甜，肉質爽滑，會令你追下一塊嚟食！食完刺身後，我地實行「一魚兩食」，將呢條咁新鮮嘅魚去做椒鹽炸魚骨。師傅炸得非常香脆惹味，鍾意香口餸嘅各位一定要點！打邊爐點少得牛肉，揀咗碟本地牛頸脊。可能之前個活魚刺身太出色，依碟就相對地普通咗啲，下次可能要試下貴一啲個款安格斯牛頸脊。之後係手打芝士鮮蝦丸。啖啖爽口，芝味無窮，食得出由鮮蝦打出嚟。依味係北海道干貝滑，好有驚喜。食落有好香好香嘅帶子味，仲有一粒粒嘅帶子肉係入面，好彈牙！食完一粒真係