海宴樓 (已結業)

今天跟老公、女兒和媽媽一行四人到朋友推介開業不久的新酒樓試吓，除了地點超方便之外、酒樓環境仍相當唔錯，起碼唔會好嘈，慢慢食慢慢傾都得。另外，想提吓佢哋用的食材都好得，食物不會太油膩也不會太甜，食得出碟碟都是誠意之作。首推招牌孖寶 - 清蒸野生黃腳立2條＋白切雞半隻$88，兩條魚一食就知係海魚，好新鮮，另外隻雞都好嫩口，水準唔錯，超抵食！另一必食是農家炆豬手，個汁超正，豬手炆得好軟，送飯一流！峇門野生青口煮法也相富有創意，啲青口好新鮮，用清酒煮，加埋啲粉絲入口，無得頂！呀女食中菜每次都要點菜心炒牛肉，嘩！真係出乎意料的超好食，啲牛肉食翻以前的鑊氣感，牛肉新鮮，菜心爽脆，一試難忘。下次多啲人可多試幾味，見隔離枱的白肺湯、紅酒燴牛尾、手打墨魚丸等都相當唔錯。最後食埋免費送的紅荳沙糖水，好飽好滿足，埋單連啤酒都係$500幾，咁嘅地區一啲都唔貴，重好飽好滿足，聽説下午飮茶㸃心都好抵食，一定會再幫襯。