金廚韓國料理 (已結業)

之前見有朋友推介呢間新開食店，見到有水冷麵，而且係西貢區少有既韓國餐廳，今日就特登過來試一試，果然好有驚喜！係openrice未見有食評，可能因為咁，下午時分食客唔多，本來都係抱住一試的心態，叫左一個水冷麵午餐同炸雞薯條下午茶餐，前菜有泡菜同芽菜，跟餐送埋汽水，轉特飲加$5，最後叫左柚子蜜同蜂蜜蘋果。點完餐後，等左一陣已經有得食，先來水冷麵，第一啖食落去已經覺得好似去左韓國當地食咁正宗了，湯底鹹淡適中，麵夠晒凍同煙韌，上面幾塊叉燒入味得來又唔會搶左湯既味道，無得彈👍🏼👍🏼👍🏼👍🏼👍🏼再來薯條炸雞，薯條應該係一般茶記質素，炸雞就好正，似係用雞胸肉整的，無骨，外面鬆脆得來裡面又鎖住肉汁，唔會乾，夠晒juicy,點埋酸辣醬食，本來怕熱氣都忍唔住食多塊，讚👍🏼👍🏼👍🏼👍🏼👍🏼到差不多食完先發現呢間似係韓國人開的店鋪，大部分員工都係韓國人，難怪整出來的味道咁正宗，而且性價比高，個人認為正過尖沙咀專食韓國菜果條街既食肆。