丼丼亭 (翡翠明珠廣場)

營業中

休息中

好耐無去銅鑼灣行街，都唔知有咩餐廳好食，剛好係翡翠明珠附近就去睇下有咩好食，見丼丼亭6點左右餐廳入面已經坐滿晒，估計應該都唔錯；仲有d門口比較戶外部份既位，咁就試下啦。定食有天婦羅配丼飯，一個set可以食到多d唔同既野又幾好啵。點左個親子丼配天婦羅，四式火灸丼配天婦羅，再加個明太子雞翼。定食都係包左個前菜沙律同麵豉湯。首先天婦羅都係新鮮炸出黎，超好食，粉漿適中，唔太厚。火灸的魚生好新鮮，親子丼味道好好，蛋同雞肉都嫩滑。明太子雞翼釀的明太子都唔少，真係食得好滿足，一定食得飽。定食都係百零蚊到2百幾不等，唔係d又貴又食唔飽既日本餐廳，絕對絕對係值得再黎幫襯。