新仙清湯腩咖哩專門店 (已結業)

肚餓找食。係門口個餐牌只註明飯餐，而食物價格好貴，百幾蚊一個牛腩飯。係呢區個價格有點離地。隨後見到原來有麵食，價錢四五十蚊碗，總算合理點，去一試。入店前一刻才睇到佢哋曾攞過3年米之蓮。食物送到，第一個反應嘅係，點解牛腩只有4件? 兩件蘿蔔都合理，河粉會唔會太多? 一飲湯底，味道適中好味，飲後唔覺口喝。河粉柔軟，但太多。牛腩軟熟，每件邊緣都帶有牛脂肪，唔騷，有一件好有牛腩的脂肪香味。咖哩牛腩配河粉有點奇怪，咖哩越食越辣，牛腩軟熟，可惜食唔到牛嘅香味，仲有非常淋嘅薯仔。凍檸茶少甜，茶底味不足，下次都係走甜比較好。有個亞姐是員工，她講野好大聲，講私人野講到怒氣。本身食店環境清靜，好可惜亞姐咁樣影響食客心情。