品茶弄啡 (已結業)

黑糖珍奶雖然強，但別忘掉後勢強勁的芝士奶蓋！喜茶未到港，但香港地的奶蓋茶卻不少！作為潮飲潮食界的忠粉，點會錯過任何新地方呢？今個晚上就在等朋友宵夜時間便偷個時間去「品茶弄啡」今日好認真，唔「弄啡」住，去「品茶」先，叫左個願望奶蓋茶，實情係鐵觀音奶蓋茶，今日目的有二：一為茶底，二為奶蓋，先品品佢睇下得唔得先！正宗的奶蓋應是鹹鹹甜甜的濃濃芝士感，睇佢厚厚奶蓋，想起也滋味！唔混合茶先呷一口奢侈的奶蓋，第一口芝士味頗濃的，鹹香感也不會太搶，口感厚滑，味道濃郁，開心！第二飲，插飲管混合飲，先飲茶底，𠵱！咁清既，唔可以用淡來形容，是慢滲的茶香，反而不像紅茶，是綠茶的味道。再混飲！點解兩者分別飲都不俗，但夾埋又樣樣差一點，咁飲奶蓋味唔出，甜味反正較重，茶味又被奶蓋沖走，奶蓋又被淡茶變淡了，沒層次的，到喉不到肺既感覺～先喜後悲，我還是想飲到一杯平衡適宜的奶蓋茶呢。