影片
更多
2024-09-10
561 瀏覽
今晚收工約咗同個朋友聚下，佢帶咗我去中環蘇豪Uma Nota. 餐廳室外有啲位置可以比客人坐低飲下酒，而室內位置都好有情調。我哋叫咗Five course chef’s menu ($388 per person), 另外再加咗$188揀咗兩杯Cocktail。salmon tiradito: 鍾意佢用好light 嘅調味去整呢個三文魚刺身。柚子醬汁同芒果莎莎亦中和返三文魚刺身本身嘅油脂。grilled baby corn： 好嫩嘅粟米芯，咬落爽脆。加咗芝士一齊焗，令菜式帶有鹹香。再加埋千島醬就更加惹味。chicken okonomiyaki：用咗日式嘅煮法。炸雞加上章魚燒汁同埋木魚碎。做法新穎。Grilled grass fed tenderloin: 我哋叫咗rare. 菜式出嚟嘅時候係我哋想要嘅生熟度。牛裡肌肉牛味濃郁。Ipanema baby back pork ribs: 一切落ribs度就好易散開，好夠腍。佢另外配嘅醬汁加咗菠蘿汁入去一齊打，好fresh。Dessert: 佢有四款甜品可以俾我哋揀一款。我哋揀左chocolate mousse. 呢個Desert有三種唔
今晚收工約咗同個朋友聚下，佢帶咗我去中環蘇豪Uma Nota.
餐廳室外有啲位置可以比客人坐低飲下酒，而室內位置都好有情調。我哋叫咗Five course chef’s menu ($388 per person), 另外再加咗$188揀咗兩杯Cocktail。
salmon tiradito: 鍾意佢用好light 嘅調味去整呢個三文魚刺身。柚子醬汁同芒果莎莎亦中和返三文魚刺身本身嘅油脂。
grilled baby corn： 好嫩嘅粟米芯，咬落爽脆。加咗芝士一齊焗，令菜式帶有鹹香。再加埋千島醬就更加惹味。
chicken okonomiyaki：用咗日式嘅煮法。炸雞加上章魚燒汁同埋木魚碎。做法新穎。
Grilled grass fed tenderloin: 我哋叫咗rare. 菜式出嚟嘅時候係我哋想要嘅生熟度。牛裡肌肉牛味濃郁。
Ipanema baby back pork ribs: 一切落ribs度就好易散開，好夠腍。佢另外配嘅醬汁加咗菠蘿汁入去一齊打，好fresh。
Dessert: 佢有四款甜品可以俾我哋揀一款。我哋揀左chocolate mousse. 呢個Desert有三種唔同嘅層次，最面層係朱古力薄脆，入邊有酸酸甜甜嘅Berry醬同埋一球做得好幼滑嘅朱古力mouse。
Cocktail：點咗一杯maiko’s tale同埋一杯maracuja. maiko’s tale 賣相好靚，味道甜甜地，好易入口。而maracuja 因為加咗新鮮熱情果同埋青檸，所以味道酸酸哋好開胃。
張貼
