影片
更多
2022-10-07
1052 瀏覽
中完covid同親戚食三年來第一餐飯，於是特登揀左呢間朋友盛讚嘅貴價中菜，結果發現價格完全無想像中咁恐怖。五個人埋單先～2500，仲係因為我為咗盡孝叫曬鮑魚花膠，結果長輩牙唔好唔鍾意食，早知道要多個羊肚菌煲😭book唔到片皮鴨，但係book到黑毛豬叉燒，鹹甜適中最重要入口即化，係即化——一般嘅靚叉燒係軟稔肥瘦適中，佢幾乎入口一抿就會化開，唔係黑毛豬真係煮唔到咁嘅地步。不過鍾唔鍾意就睇你會唔會追求叉燒嘅口感，因為脂肪完美融入肉裡面，唔會話咩肥瘦相間，重申一次係入口即融呀！作為一個超級討厭花膠嘅人，為咗tum長輩開心要咗鹵水花膠凍，上面黑色小珠本來以為係魚子醬，結果發現係黑醋海藻珠，不過仲正，中和返鹵水嘅味道。只係我真係唔好花膠，覺得佢好得意同味道好夾，食唔出好壞。不過幾百蚊一碟就tum到長輩開心，抵啦！鮑魚外脆內鮮甜，一啲都唔韌，仲要好juicy。我日常覺得只有唔新鮮嘅海鮮先會做重口味，今次發現完全唔係，好味鮑魚做重口味都咁正，佢個椒鹽淨係提鮮作用。之不過一隻好似2百幾？長輩唔係特別鍾意，早知道我就叫多兩個小菜，仲有我想食好耐嘅羊肚菌，好傷心😭點心中規中矩好味，阿拉斯加蟹肉炒飯超級足料，
book唔到片皮鴨，但係book到黑毛豬叉燒，鹹甜適中最重要入口即化，係即化——一般嘅靚叉燒係軟稔肥瘦適中，佢幾乎入口一抿就會化開，唔係黑毛豬真係煮唔到咁嘅地步。不過鍾唔鍾意就睇你會唔會追求叉燒嘅口感，因為脂肪完美融入肉裡面，唔會話咩肥瘦相間，重申一次係入口即融呀！
作為一個超級討厭花膠嘅人，為咗tum長輩開心要咗鹵水花膠凍，上面黑色小珠本來以為係魚子醬，結果發現係黑醋海藻珠，不過仲正，中和返鹵水嘅味道。只係我真係唔好花膠，覺得佢好得意同味道好夾，食唔出好壞。不過幾百蚊一碟就tum到長輩開心，抵啦！
鮑魚外脆內鮮甜，一啲都唔韌，仲要好juicy。我日常覺得只有唔新鮮嘅海鮮先會做重口味，今次發現完全唔係，好味鮑魚做重口味都咁正，佢個椒鹽淨係提鮮作用。之不過一隻好似2百幾？長輩唔係特別鍾意，早知道我就叫多兩個小菜，仲有我想食好耐嘅羊肚菌，好傷心😭
點心中規中矩好味，阿拉斯加蟹肉炒飯超級足料，唔係伏。雖然我呢個粗人食唔出有啲咩特別驚艷嘅地方，但性價比高已經好難得。甜品本來想試雪糕龍鬚糖，但晚市先有，於是隨便要咗啲甜品。有個青檸黑芝麻果仁唔知道咩撻，好香，青檸芝士嘅外面係一層黑芝麻慕斯之類嘅嘢，果仁脆餅都超香。我寧願死都唔會飲杏仁茶，所以唔知道好唔好味😂
最後一定要讚佢地嘅環境同服務態度，每張檯隔得好遠好舒服，而且每檯都有唔知一個侍應等係附近招呼，全部態度超好超周到，習慣左去一般中餐廳叫極唔應，簡直嚇親寶寶😂就係行樓梯落去嗰段路太grand太靚，結果燈光太黑老人家嫌棄，結果經理就叫我地點樣搭lift走。
以及，洗手間個水箱好懷舊好靚，差啲想影相，但係都係唔好咁大鄉里出城啦😂
呢篇食評會唔會因為太降低餐廳格調唔比過⋯⋯
張貼