聚寶廚坊 (已結業)

聚寶廚坊(19/7) 星期二 晚上6:30特色：都係個句，近屋企，所以已經當左佢係飯堂，諗唔到食咩就諗起佢d雞煲，方便又抵食。食物：今日得兩個人食，所以只係叫個半隻雞煲餐，加支大啤，咁又一餐。雞煲 - 雞煲叫小辣，真係少少都唔辣，不過就啱晒同行者完全唔食得辣，d雞就一定唔係雪藏雞，因為食到佢斬雞斬到有碎骨，味道正常，雞亦都入味嫩滑。安格斯肥牛 - 正常，始終唔好預佢係咩高檔野，但對得住個價錢，唔好淥太耐就唔會un。脆炸響鈴卷 - 唔係自家制，都應該係正常街買到個d，建議係個雞煲未加水之前，用佢個濃雞煲汁淥嚟食就最正。蔬菜籃 - 正常生菜，無特別。飲品 - 飲品有普通汽水/啤酒之類，正常操作。環境：舖頭唔算大，但平日夜晚時間都一定有位，有卡位或大枱，唔算太乾淨，但又未到反感，坐得都算舒服。服務：樓面態度好，尤其有個樓面哥哥，好有善又好傾，用好friendly既態度去對每一枱客。價錢：食個半隻雞煲餐加支啤酒埋單324，兩個人份量啱啱好，都屬終正常價錢。總結：如唔住附近，又唔係太高要求，又唔想同人迫去食返個正正常常既雞煲，呢間都係一個幾好既選擇。