影片
更多
2017-06-18
130 瀏覽
經過佐敦，發現原來附近都幾多酒吧同餐廳，於是入咗呢一間睇落氣氛唔錯嘅餐廳。呢一度又有酒飲，又有西餐食，於是我哋又叫啲酒又叫啲嘢食。朋友唔想飲酒，於是叫咗杯芒果smoothies，我試飲左一啖，甜甜地，好消暑！而我就叫咗杯mount fuji，聽個名都唔知係咩黎，點知原來調酒師會出嚟係你面前玩火！非常之特別啊！白色個杯係着緊火架，但係估唔到我要一啖飲晒佢，都咪話唔驚！飲嘅時候好似被火燒咁樣，不過一啲都唔熱，少少哽。然後就可以飲下面底層嘅冰，有香蕉椰子等等嘅味道即刻降晒溫！小息就叫做雞翼，有三隻，有得揀辣或者唔辣，我哋叫咗小辣，都幾惹味！跟住我哋要左份安格斯肉丸意粉， 肉丸超級大舊，意粉就係茄汁意粉，酸酸地都幾開胃！另外仲要左一份Pizza ,有火箭菜同埋Parma Ham，略嫌佢焗得唔係太夠脆，但係都好好食。埋單每人食咗＄250左右，杯酒真係值回票價！我同朋友都食得好滿意，下次一定會再幫襯！
呢一度又有酒飲，又有西餐食，於是我哋又叫啲酒又叫啲嘢食。
朋友唔想飲酒，於是叫咗杯芒果smoothies，我試飲左一啖，甜甜地，好消暑！
而我就叫咗杯mount fuji，聽個名都唔知係咩黎，點知原來調酒師會出嚟係你面前玩火！非常之特別啊！
白色個杯係着緊火架，但係估唔到我要一啖飲晒佢，都咪話唔驚！飲嘅時候好似被火燒咁樣，不過一啲都唔熱，少少哽。然後就可以飲下面底層嘅冰，有香蕉椰子等等嘅味道即刻降晒溫！
小息就叫做雞翼，有三隻，有得揀辣或者唔辣，我哋叫咗小辣，都幾惹味！
跟住我哋要左份安格斯肉丸意粉， 肉丸超級大舊，意粉就係茄汁意粉，酸酸地都幾開胃！
另外仲要左一份Pizza ,有火箭菜同埋Parma Ham，略嫌佢焗得唔係太夠脆，但係都好好食。
埋單每人食咗＄250左右，杯酒真係值回票價！我同朋友都食得好滿意，下次一定會再幫襯！
張貼
