影片
更多
2023-08-01
292 瀏覽
如果你追求日式居酒屋嘅食物質素 同埋服務 咁呢間餐廳絕對滿足唔到你！ 完全理解唔到啲好評係點嚟 失望透頂😵💫首先講吓個前菜 4個人 兩碟 係完全生勾勾兩碟蘿蔔 椰菜 同埋青瓜mixture無醃過 淨係切咗塊上同埋條上 去開居酒屋都係啲精緻開胃佐酒小菜但由呢個前菜開始真係刷新咗我嘅認知好似喺農莊買咗個蔬菜包餵兔仔/羊仔咁最後埋單仲要發現係收咗每碟$30…然後睇完menu 想叫嘅嘢大部分都out of stock我地入座時間係星期六夜晚7點 真係無辦法理解點解啱啱開始做週末夜市就已經乜都無最signature嘅雞皮餃子都無 然後想叫啲飽肚嘅丼飯一個都無 作為一個顧客已經唔係咁滿意個menu咩都無如果係咁我地一入座就應該講清楚有咩係無而唔係到個客落order先逐樣話無掛 menu都無mark邊啲售馨㗎因為同朋友想試多啲款instead of每個人一串所以好多都係跟佢menu至少叫兩串點知個待應就係咁notice我地類似話唔夠食 有啲一份得3件類似嘅嘢態度嚟講係會令人覺得幾唔舒服然後開始上菜 完全無擺盤可言 食物份量少得驚人 但唔係行精緻風 淨係feel到一種好度縮嘅感覺所以我地埋單每人食咗
咁呢間餐廳絕對滿足唔到你！
完全理解唔到啲好評係點嚟 失望透頂😵💫
首先講吓個前菜 4個人 兩碟
係完全生勾勾兩碟蘿蔔 椰菜 同埋青瓜mixture
無醃過 淨係切咗塊上同埋條上
去開居酒屋都係啲精緻開胃佐酒小菜
但由呢個前菜開始真係刷新咗我嘅認知
好似喺農莊買咗個蔬菜包餵兔仔/羊仔咁
最後埋單仲要發現係收咗每碟$30…
然後睇完menu 想叫嘅嘢大部分都out of stock
我地入座時間係星期六夜晚7點 真係無辦法理解點解啱啱開始做週末夜市就已經乜都無
最signature嘅雞皮餃子都無
然後想叫啲飽肚嘅丼飯一個都無
作為一個顧客已經唔係咁滿意個menu咩都無
如果係咁我地一入座就應該講清楚有咩係無
而唔係到個客落order先逐樣話無掛 menu都無mark邊啲售馨㗎
因為同朋友想試多啲款instead of每個人一串
所以好多都係跟佢menu至少叫兩串
點知個待應就係咁notice我地類似話唔夠食
有啲一份得3件類似嘅嘢
態度嚟講係會令人覺得幾唔舒服
然後開始上菜 完全無擺盤可言
食物份量少得驚人 但唔係行精緻風
淨係feel到一種好度縮嘅感覺
所以我地埋單每人食咗500幾蚊都無點影相
完全唔打卡able
食到差唔多個待應走嚟同我地講
啲嘢上齊晒 仲有無嘢要加
因為朋友生日 訂座都有remark
點知想叫上甜品嗰陣
個待應先話
同事應該電話同你講過
送嘅甜品唔包寫字
要單點先會寫到字
唔好意思 我從來無收過你地餐廳電話
所有confirm booking嘅嘢我都係透過SMS/website完成
嗰一刻我又再次覺得好錯愕
呢個價位嘅餐廳 成個dining experience都好差
我明白要做啲customised嘅嘢唔係老馮
我remark都係睇吓做唔做到
做唔到其實無所謂
但唔係同客講「之前同事電話同你講過」
麻煩你地check清楚邊枱客打邊枱客先
收走晒啲餐具同碟 等食甜品
個待應又行嚟同我講
原來仲有幾樣嘢未上
老實講 我地做客嘅 落order嗰陣都好混亂
一邊落單一邊被知會 無呢樣無嗰樣
到最後真係唔會記得自己叫咗啲咩
由頭到尾都無單睇吓叫咗咩items
我哋都做唔到gate keeper去check係咪齊
待應當初行埋嚟話上齊晒
我地真係會相信已經齊晒 畢竟我哋相信呢個價位嘅餐廳係專業嘅
而唔係突然又話未齊 叫個客重新整理個expectation 繼續食嘢
我哋去到呢個位真係頂唔順
同待應講 如果你地未整嘅話索性cancel咗佢
我地坐咗咁耐都無上菜 咁漏咗單就cancel啦
點知個待應又唔比我地cancel
話廚房已經出咗菜
但係我地坐咗10分鐘都不見蹤影
再催單都要等多10分鐘
呢啲真係叫出咗菜咩
完全係自己漏單
然後局個客喺度乾等你整好 然後食埋佢
同個待應反映咁樣唔適當
佢就係咁話頭先係廚房同佢講出晒菜
所以先會幫我地執枱
但出菜同落單嗰個係你呀嘛
你唔做gate keeper
然後我地同你講 你又覺得委屈
咁我咪即係貼錢買難受
成餐飯淨係得我地等緊張漏單嗰陣有幫手refill茶水
其餘時間0 service可言
食港式串燒店條氣仲順啲
食物味道真係唔覺特別出色
呢篇警世文 希望大家睇清楚 再考慮要唔要book
雞皮
$36
4 瀏覽
0 讚好
0 留言
牛舌
7 瀏覽
0 讚好
0 留言
張貼
