銖記海鮮飯店

營業中

休息中

本身都有周不時去開銖記食飯，個翅係幾抵食。不過今次雞燉翅湯啖左，算啦都ok收貨，戲肉嚟喇，叫咗個砵酒鮮魷同炒牛柳粒，砵酒鮮魷上一枱都感覺瀨嘢，係上哂粉漿炸完攤凍咗再焗，食落口係一pat焗淋哂嘅粉漿魷，我真係孤陋寡聞，唔知呢個係咩創新煮法。炒牛柳粒仲大鑊，我真係估唔到呢個都會出事。一咬落去，淋哂，係嗱到d肉淋哂個隻，唔好講牛味，連肉味都冇埋，完全唔知自己食緊咩肉，都唔知佢嗱左舊肉幾多日2碟餸最正常係伴碟嘅西蘭花。連正常嘅水平都冇，真係差到不堪入目，煮到咁我真係寧願食杯麵。