影片
更多
2007-10-26
18 瀏覽
之前真係好少入西貢, 但係近日係比較多, 寫完西貢的中式海鮮, 又寫下西式海鮮去比一比.公眾假期的中午, 早餐都未食, 就搭車入西貢來個笨豬. 天朗氣清, 心曠神怡, 係讓人更有朝氣. 間唔中係郊外走走, 確實有益. 一早定了係度食, 落了車就沿海皮慢慢行入來.這店的午市係以車仔麵為主, 做街坊生意, 都算經濟的, 雙拼$18, 三拼$20, 只見對面鋪的石油氣店也過來外賣, 假日緣故, 也見樓上有人成圍食海鮮. 當然, 我們一場來到, 肯定唔係為了食車仔麵. 其實店方係有兩款相簿, 一中一西, 但係中個邊的選擇不太多, 都係揀了幾樣西餐的心頭好.老闆娘的態度都幾友善, 慢慢去推介菜色給我們, 沒有遇到前兩位食家的問題. 係我們好彩, 定係遇到變色龍?鹹金桔雪碧$14: 8分, 熱辣辣, 先要了杯咸金桔雪碧. 其實同鹹檸七係有異曲同工之妙, 不過鹹的金桔跟雪碧起的化學作用更為明顯, 一篤落去, 係真的渣渣聲的. 飲落口係酸酸的, 相當開胃, 一支雪碧, 委實不夠候.牛尾湯$30: 9分, 要了一客牛尾湯分喝, 要成$30一客, 不便宜, 但飲落口就知道係值回票價. 係非常之濃郁, 牛尾
公眾假期的中午, 早餐都未食, 就搭車入西貢來個笨豬. 天朗氣清, 心曠神怡, 係讓人更有朝氣. 間唔中係郊外走走, 確實有益. 一早定了係度食, 落了車就沿海皮慢慢行入來.
這店的午市係以車仔麵為主, 做街坊生意, 都算經濟的, 雙拼$18, 三拼$20, 只見對面鋪的石油氣店也過來外賣, 假日緣故, 也見樓上有人成圍食海鮮. 當然, 我們一場來到, 肯定唔係為了食車仔麵. 其實店方係有兩款相簿, 一中一西, 但係中個邊的選擇不太多, 都係揀了幾樣西餐的心頭好.
老闆娘的態度都幾友善, 慢慢去推介菜色給我們, 沒有遇到前兩位食家的問題. 係我們好彩, 定係遇到變色龍?
鹹金桔雪碧$14: 8分, 熱辣辣, 先要了杯咸金桔雪碧. 其實同鹹檸七係有異曲同工之妙, 不過鹹的金桔跟雪碧起的化學作用更為明顯, 一篤落去, 係真的渣渣聲的. 飲落口係酸酸的, 相當開胃, 一支雪碧, 委實不夠候.
牛尾湯$30: 9分, 要了一客牛尾湯分喝, 要成$30一客, 不便宜, 但飲落口就知道係值回票價. 係非常之濃郁, 牛尾同紅蘿蔔都煲到溶化入碗湯到, 雖然無乜牛尾肉食, 但係每啖湯都有相當香濃的牛尾味, 同埋有小小菜粒, 口感係好豐富. 如果閣下只愛清湯, 這個湯就不合你的胃口. 另外跟湯有兩片蒜蓉包, 正好一人一片. 明顯係即整的, 相當香脆, 食落口係有不輕的蒜蓉味, 仲隱約有小小蒜蓉粒. 文迪吃得好滿足.
芒果大蝦$170: 10分, 見其他食友之前吃的係芒果龍蝦, 我們沒有預訂, 吃的只係芒果大蝦. 不過看來, 最大的分別都係龍蝦同蝦, 這道菜色的靈魂: 個芒果汁應該係一樣的. 說回這個芒果大蝦, $170一客, 有兩隻大蝦, 也不便宜, 但同樣係令人吃得好滿意. 大蝦係燒得火候剛好, 蝦肉好新鮮同彈牙, 果然係西貢, 有地理優勢, 蝦大大隻, 蝦肉也不會老, 係好嫩滑, 再加上蝦頭的蝦膏又係好吸引. 當然, 最出色的係個芒果汁, 有幾片芒果肉係當中, 是日吃到的係好鮮甜, 基本上係無酸的感覺. 不要以為芒果同蝦係大欖都扯唔埋. 這裡的配搭係做得相當出眾. 先用個汁去點蝦, 帶點甜的芒果蝦, 好惹味, 再將剩下的芒果汁去撈飯, 又係好得. 飯係用上炒飯, 炒得好香, 本身已經吸引, 再加上芒果汁, 更加令人傾倒. 食到一點芒果汁都無.
紅酒燴牛尾$75: 9分, 文迪係幾喜歡紅酒煨牛尾的, 見這裡有得食, 也不計之前要了牛尾湯, 也要了一客燴牛尾. 牛尾係燴得好淋, 肉質也幾好, 紅酒汁相當入味, 把紅酒汁撈飯, 又係好正. 由於吃完炒飯已經相當飽, 再吃這個也有點難度. 不過味道又實在相當精彩, 最後都鼓其餘勇清掉這道菜.
大廚安東理應該係有細心的安排, 知道我們係分吃, 係食完一樣先來另一樣菜色. 吃完芒果大蝦, 先再上牛尾. 讓我們慢慢去品嚐每道菜. 環境當然唔係高級餐廳的規格, 但係都企企理理. 味道係相當精彩, 以這價錢吃到高水準的菜, 也係合理的.
下次再來要試試其他菜色.
張貼
