大滾友火鍋

營業中

休息中

天氣凍，少不了嚟個邊爐聚會，大滾友呢間位置最perfect，鳳攸南街有充裕泊車位，啱晒元朗區自駕嘅街坊，唔怕食食下要走鬼咁無癮！身為街坊，都食過呢間好幾次，店員每次都主動推介下當日時令嘅食材，服務真心唔錯。今次想試個特別啲嘅湯底：「翻雲覆雨」香濃豆乳蜜瓜濃湯鍋。佢有玫瑰花造型，仲仙氣飄飄，勁igable！由於有大量蜜瓜，飲落味道清新，魚片都索晒啲甜味。🟤大滾友牛肉拼盤一盤滿足晒N個願望：安格斯牛、和牛粒、本地手切牛肉，脂肪分佈幾平均，各有特色；仲有牛𦟌、牛舌，肉味特別濃；牛胸爽呈白色，入口清甜間微微泛牛油香，脆而爽口，帶韌勁。🔴伊比利亞橡果豬肉肉質比較細膩嫩滑，帶橡果香，食落都唔油膩🟡金屋藏嬌和牛墨魚丸爽口又彈牙，內藏和牛餡嘅墨魚丸個意念夠創新🟠即炸黃金響鈴必定要趁熱食，就咁食又脆又香，灼幾秒索晒湯汁，兩種口感任你揀。⚪️火焰豆腐花食飽邊爐當然要食埋個甜品，火焰豆腐花有視覺上享受，仲有味覺上驚喜，啱晒鍾意儀式感嘅人。