人和荳品廠 (已搬遷) 新店位置

下午茶時間，少少肚餓但又唔想食太飽，醒起銅鑼灣有間人和豆品，即刻行過去食。下午5:30冇乜人，有卡位坐，坐底一陣，keep 住有客人入來，生意好好。豆腐花種類好多，而且價錢唔貴。叫咗個魚肉煎豆腐，剛剛煎出熱辣辣，豆腐味香濃，皮脆豆腐滑，唔落醬都好好味，魚肉咸咸地配豆腐係絕配。另外叫咗個原味凍豆腐花，用嘅係金屬匙羹，畢起來好似喺一桶豆腐花畢出咁，唔會整爛晒d豆花，豆花好滑，一入口就係幸福嘅味道，個碗都唔細架，而且價錢只係$12，真係超高性價比。好想試埋其他豆腐花同豆卜。👍🏼