豊之丼 (已結業)

夜晚去左中環食日本丼飯，店內環境設計新穎~深木色既台配上綠色既擺設，感覺好green好自然，我就叫左罐蜂蜜柑桔汁，so far係外面未飲過呢款味道！！入口感覺好天然純正蜜蜂味~唔會過份死甜！！加上柑桔既香~同蜜糖味好夾呀~~幾好飲！跟住叫左個豊之盛丼係人氣推介~甜蝦幾鮮甜，帆立貝size唔算厚但係質感綿密夠新鮮，海膽質感柔軟帶甘香！吞拿魚無筋無渣但未到入口即溶既感覺！！整體都係水準之上~飯既size都好足夠。