NINETYs (形點 I)

營業中

休息中

今日放假約咗朋友去元朗行街,搭西鐵入元朗真係好方便今日去咗形點行下食下,朋友帶咗我去一間西餐廳啲嘢真係好好食 。NINETYs , 餐廳裝修得好整潔光猛,地方好闊落,坐低喺度食野望住出面個公園感覺真係好舒適。明太子香鬆,香辣奶油虎蝦,鹽燒吞拿魚,黑松露炒蛋,香煎茄子,明太子紫菜飯,食落去少少鹹鹹香香,加咗紫菜特別開胃。虎蝦分量好多,每一隻都好新鮮好大隻,蝦肉好爽甜味道鮮美,吞拿魚魚肉非常嫩滑,加上有少少魚油脂肪特別香口惹味,黑松露炒蛋味道非常獨特,黑松露獨有嘅香味配上香滑嘅炒蛋,味道出奇地夾，上面仲放有綠色嘅蔬菜，外觀更加吸引明太子香鬆,蘭王蛋,香煎茄子,雜菌沙律,焗紫薯,香煎藜麥玉米餅,希臘沙律。賣相都係勁吸引,蘭王蛋蛋黃好香,用來配飯真係一流,蛋白好嫩滑加咗少少蔥花芝麻,味道更加有層次。紫薯味道好香濃,食落去又香又甜。雜菌沙律都係我嘅至愛,食落去啲菇又香又滑。玉米餅煎到金黃色脆卜卜,好香口好惹味！煎茄子味道香口,有少少焦香味,加埋佢本身嘅醬汁更加好味。