你妳 (已結業)

放假懶得煮飯，就決定咗買外賣，同屋企人都有共識食台灣野。食物款式都幾多，除咗有台式便當之外，仲有蛋卷、吐司、牛肉麵、台式甜品同埋飲品，價錢親民。外賣包裝得好好。鹽酥天使雞扒便當雞扒大大塊，雖然外賣，但係外皮都仲有少少脆，粉漿厚薄適中，雞扒肉質嫩滑juicy，而且調味啱啱好，鹹香入味。便當配有滷肉飯同埋滷水蛋，白飯煮得啱啱好，軟硬適中，滷肉份量幾多，味道香醇濃郁， 肥瘦適中，香嫩可口，撈埋白飯啱啱好。夜市鹽酥拼盤便當拼盤有台灣香腸、芋頭海鮮餅、甜不辣、滷蛋同精選配菜。台灣腸飽滿，食到一粒粒嘅肉丁，味道鹹香，肉質爽口。海鮮餅同甜不辣都唔錯，口感煙韌。便當更配有飲品，我就揀咗汽水。肉鬆芋泥吐司吐司厚度適中，表面仲保持略脆，口感鬆軟。芋泥同肉鬆份量多，鋪滿成塊吐司，芋泥順滑綿密，芋頭味道香濃，甜度適中，肉鬆係口中咀嚼時會有很明顯的肉的口感，甜咸甜咸，有層次感。