影片
更多
2023-12-29
37 瀏覽
平時打邊爐主攻都係海鮮同牛肉，台式嘅牛肉火鍋食得多，呢間火鍋放題專食海鮮河鮮，款式仲要多好多，可以坐兩個半鐘，傾偈傾耐啲都冇問題！餐廳裏面真係有魚缸養住啲海鮮，店員現捉，仲可以用優惠價加購刺身嗰啲！------------------------------🐚◖北寄貝刺身◗ $48餐廳每日都有啲限定優惠價嘅海鮮或者刺身，呢隻北寄貝大大隻，口感好爽脆，味道夠甜！🥘◖2.5小時河鮮海鮮雞煲火鍋放題◗ $398呢個火鍋放題可以食兩個半鐘，包咗燉湯、雞煲、海鮮拼盤可以無限加嘅海鮮，加$20仲可以任飲汽水/茶/酒，真係超豐富！湯底揀咗藥膳湯，濃郁嘅當歸香氣，好滋補養生！湯底好清，亦都唔會有多餘嘅湯料，啱晒用嚟灼熟啲海鮮，食到海鮮嘅原汁原味！佢嘅海鮮同火鍋配料另外有一張落單紙自己畫，每次可以揀八樣，可以揀半份同一份，咁就乜都可以試少少～/自家燉湯🍲是日靚湯係豬展雞燉鹿茸菇湯，店員會將壺湯湯放喺蠟燭上面，保持燉湯嘅溫度。燉湯好清，味道鮮甜/雞煲🐓佢有三個口味可以揀：泰式酸辣、韓式芝士、四川麻辣，揀咗四川麻辣🌶️，辣度係微微辣，味道正常發揮，呢個都係淺嘗一下就夠/霸王海鮮盤🦐拼盤上嚟真係「嘩」一聲，有越
------------------------------
🐚◖北寄貝刺身◗ $48
餐廳每日都有啲限定優惠價嘅海鮮或者刺身，呢隻北寄貝大大隻，口感好爽脆，味道夠甜！
🥘◖2.5小時河鮮海鮮雞煲火鍋放題◗ $398
呢個火鍋放題可以食兩個半鐘，包咗燉湯、雞煲、海鮮拼盤可以無限加嘅海鮮，加$20仲可以任飲汽水/茶/酒，真係超豐富！湯底揀咗藥膳湯，濃郁嘅當歸香氣，好滋補養生！湯底好清，亦都唔會有多餘嘅湯料，啱晒用嚟灼熟啲海鮮，食到海鮮嘅原汁原味！佢嘅海鮮同火鍋配料另外有一張落單紙自己畫，每次可以揀八樣，可以揀半份同一份，咁就乜都可以試少少～
/自家燉湯🍲
是日靚湯係豬展雞燉鹿茸菇湯，店員會將壺湯湯放喺蠟燭上面，保持燉湯嘅溫度。燉湯好清，味道鮮甜
/雞煲🐓
佢有三個口味可以揀：泰式酸辣、韓式芝士、四川麻辣，揀咗四川麻辣🌶️，辣度係微微辣，味道正常發揮，呢個都係淺嘗一下就夠
/霸王海鮮盤🦐
拼盤上嚟真係「嘩」一聲，有越南大虎蝦、澳洲大龍蝦、蘇格蘭聖子、蘇格蘭大元貝、臺山奄仔蟹、新鮮鮑魚，每樣都大大嚿，而且夠晒新鮮！
/新鮮海河鮮🐟
有八款海鮮提供，有原隻游水鮑魚、蟶子、龍躉片、龍躉頭腩、海蟹、海蝦、大蜆同潮州珍珠蠔，海鮮全部都好多得！另外仲有唔少淡水魚片可以揀，除咗必食嘅脆肉鯇片，桂花魚片、白鱔片呢啲！
/肉類🥓
豬牛雞都有齊，推薦佢個豬粉腸同黃沙豬膶，處理得幾好唔會有一浸奇怪嘅味道，但佢嘅安格斯牛肉受相對遜色，牛味都幾濃，但就偏細片，而且啲肉比較碎
/火鍋配料🥟
打邊爐一定唔少得丸餃類，佢嘅韭菜餃都幾飽滿薄皮；牛筋丸咬落去爆汁，牛味濃郁，仲有多款其他配料可以選擇
/甜品🍧
食到最尾店員會上一個甜品，今日係香芋布甸，口感軟滑，唔會太甜，都唔錯！唯獨是呢度冇得自己拎雪糕、雪條、蛋糕～
🌟Encore指數：8.6/10
張貼
