Amitie Kitchen (已搬遷) 新店位置

難得放假，當然要為自己充一充電，今日便與家人去尖沙行街睇戲食飯。行街睇戲前，去了亞士里道的Amitie Kitchen，它是一間西餐廳，以價錢來說，定位中檔，午餐價錢由$78至$138不等，家人說略貴，但餐廳不乏食客，而且賣的食物質素是遠超這價錢的，性價比高。我們點了兩個午餐，分別是紐西蘭肉眼和芝士焗石班魚柳飯，另點了一個法國藍青口。午餐包餐湯，是日餐湯為南瓜湯，味道濃郁，口感厚身。主菜方面紐西蘭肉眼賣相美觀，扒燒成網紋，外熟內嫩，牛肉味濃郁，配上以香草和牛油炒成的什菜和意粉，飽肚又好味。至於芝士焗石班魚柳飯，簡直是驚喜，無想過餐廳真的用了石班魚，而非鯰魚柳，需知道石班和鯰魚是兩個口感、味道，配上芝味豐富的汁，一個字「正」。最後講一講個法國藍青口，它以忌廉白汁製成，忌廉牛油味突出，煮青口的時間剛好，是一個不錯的餐前食物。