吉祥日本料理 (已結業)

OT完要食返一餐極度豐富嘅慰勞自己！！先點咗一個牛油果蟹肉沙律（$88）！蟹肉嘅鮮甜，果然非同凡響！一下子令我走出工作嘅壓力！黑醋配上新鮮蔬菜同牛油果，完全可以充分地發揮前菜嘅功能！令到人極度開胃！食日本料理當然要食壽司，點了特選壽司十件（$248），對我嚟講份量啱啱好，每一件都非常新鮮！當中有幾件會特別highlight！北海道海膽軍艦~海膽味道甘甜，質感細膩，幾乎入口即溶！含有豐富蛋白質，非常低卡路脂、低脂！啱曬女仔食！蟹肉蟹膏軍艦~蟹肉非常鮮甜配上蟹膏更覺豐富，食得到淡淡嘅海水味！赤蝦壽司~口感爽口有彈性，而且蝦身非常大隻，味道一流！