食物站 (已結業)

同事提過好多次食物站嘅早餐抵食，味道好，所以終於去左試吓。份量，算大份的，但係可能因為我食煎雙蛋，份量比較固定。同事通常都食沙嗲牛肉麵，所以可能份量會多d。買外賣的關係，煎蛋放左落碗通心粉，拎到返公司嘅時候，隻蛋熟得6677，所以我覺得生熟度岩岩好，仲有少少流心。通粉嘅軟硬度適中，湯不重味精。我略嫌華田的味道比較淡。價錢唔貴，味道ok，所以我係會再食的。雖然我感受唔到同事話佢的抵食，但係整體嚟講我覺得唔錯。