元札幌拉麵 (宇晴軒商場) (已結業)

平時去荔枝角多數係打波或者去玩board game，所以都識左D荔枝角住的朋友仔，今次就約左其中一個去宇晴軒商場2樓元札幌拉麵食晚飯。環境吾錯，卡位幾好坐，夠寬闊。餐牌都有好多選擇，不過選擇困難症發作，最後揀左二人套餐$228。個餐包括兩款主食，我哋叫左元拉麵、滑蛋自家製吉列豬扒飯；另包三款小食，我最鍾意食魚，所以揀左燒魚餅、燒鯖魚，再加個炒雜菜。因為個餐唔包特飲，我朋友話好熱就叫做杯汽水，我就習慣飲茶。二人套餐份量足，好夠食，個麵幾好食，個豬扒炸得好香又唔乾，鯖魚好味又唔惺👍。