影片
更多
2024-06-05
145 瀏覽
一向都好中意蘭桂坊集團嘅餐廳，而呢間Fumi就係其中一間我bookmark咗好耐，但一直未去食過嘅蘭桂坊集團旗下餐廳。今個星期終於同大舊約咗Weekend brunch去大快朵頤。.一行入餐廳就覺得佢地採光度不錯，下午時間陽光明媚的，令人心情愉快。客人可以自選一款主菜，之後出面會有自助吧俾大家攞食物，最後佢哋再送上甜點。.主菜推薦銀鱈魚味噌燒，銀鱈魚質感嫩滑，只有大骨，無細骨，幾容易食。味噌燒汁香香濃濃，甜甜地。鍾意飲酒嘅話佢哋仲有無限暢飲套餐，不過下晝我就唔想飲太多酒，只想小酌一杯，所以只係叫咗一杯獺祭 45 純米大吟釀，雖然只係一杯，但服務員倒得非常大杯，幾乎滿杯而出，所以都飲得幾爽，入口甘香帶淡淡米香，不錯。.自助食物方面，性價比最高的當然是A4宮崎和牛及北海道鱈場蟹腳，前者牛脂豐腴，入口幾乎即溶，北海道鱈場蟹腳則鹹鹹鮮鮮，質感扎實，食得出用料唔錯。.季節限定嘅關東煮味道調配頗到位，蘿蔔爽身入味，係我嘅飛佛，除此之外，仲有獅子狗卷、墨魚餅、同埋豆卜等等。.前菜個人最愛係蟹籽青瓜沙律及日式泡菜，前者清爽怡人，加上大量蟹籽口感甚佳。後者就幾有特色平時食得韓式泡菜多，好少有機會食到日式
.
一行入餐廳就覺得佢地採光度不錯，下午時間陽光明媚的，令人心情愉快。客人可以自選一款主菜，之後出面會有自助吧俾大家攞食物，最後佢哋再送上甜點。
.
主菜推薦銀鱈魚味噌燒，銀鱈魚質感嫩滑，只有大骨，無細骨，幾容易食。味噌燒汁香香濃濃，甜甜地。鍾意飲酒嘅話佢哋仲有無限暢飲套餐，不過下晝我就唔想飲太多酒，只想小酌一杯，所以只係叫咗一杯獺祭 45 純米大吟釀，雖然只係一杯，但服務員倒得非常大杯，幾乎滿杯而出，所以都飲得幾爽，入口甘香帶淡淡米香，不錯。
.
自助食物方面，性價比最高的當然是A4宮崎和牛及北海道鱈場蟹腳，前者牛脂豐腴，入口幾乎即溶，北海道鱈場蟹腳則鹹鹹鮮鮮，質感扎實，食得出用料唔錯。
.
季節限定嘅關東煮味道調配頗到位，蘿蔔爽身入味，係我嘅飛佛，除此之外，仲有獅子狗卷、墨魚餅、同埋豆卜等等。
.
前菜個人最愛係蟹籽青瓜沙律及日式泡菜，前者清爽怡人，加上大量蟹籽口感甚佳。後者就幾有特色平時食得韓式泡菜多，好少有機會食到日式嘅泡菜，呢度嘅日式泡菜比起韓式冇咁辛辣，爽脆度再高一些。
.
刺身方面，每日現切嘅油甘魚非常受大家歡迎，切得夠厚身，令到入口嘅口感更佳。另外帶子亦都非常之鮮甜，食材喺自助餐黎講真心係有誠意。
.
串燒都係有師傅一路即燒，鹽燒宫崎雞翼彈牙有致、宮崎特產黑豚香腸肉味有明顯比平時嘅腸仔濃郁，鮮冬菇就做到保留多汁嘅同時，亦都將個菇香味燒到出嚟，不錯。
FUMI (中環)
中環蘭桂坊德己立街30-32號加州大廈6樓
張貼
