炙・宴 (利東街) (已改名) 查看

灣仔利東街有唔少餐廳，炙・宴位置唔喺大街，可能少啲人會留意到。佢哋主打係燒肉丼，不過都有魚生飯可以揀。餐牌有個二重丼份量多多，啱晒我哋帶住👦🏻又想試多啲款式嘅人。月見豬腩肉丼配炸雞芝士黑咖喱飯燒肉丼係招牌菜，大大片豬腩肉，入口完全唔油膩，個燒汁超級好味，炸雞有三大件，啖啖肉，夠香脆，黑咖喱幾特別，芝士🧀略嫌唔夠多。兩個飯都係有水準，不過燒肉丼實在太出色，完勝。角設魚生丼配烏冬(冷)魚生丼符合期望值，魚生夠新鮮，冷烏冬用冰墊住，食時放入鰹魚汁蘸住食，Keep到烏冬嘅煙韌同彈性。兩個Set都跟麵豉湯、沙律、餃子、Mochi同飲品，百零蚊一個Set算合理，食物質素亦都好好，燒肉丼係必食item。