影片
更多
2024-10-20
297 瀏覽
早排聽朋友介紹過油麻地呢間「小草十八怪」，據說餐廳主打石鍋米線，配料選擇多多，而且烹調過程更可以自己 DIY，有得食又有得玩，非常特別！趁今日行開呢頭，順便過嚟試下。舖面佈置得幾雅緻，加上一室霓虹燈裝飾，艷麗繽紛，為空間增添不少色彩。餐牌包羅萬有，選項甚豐，除咗招牌米線外，仲有無火生滾石鍋煲仔飯、明爐烤魚、奄仔蟹雞煲同中式串燒等供應。點咗兩份主食，明爐烤海鱸 配 火腿肉骨湯 同 石鍋煲仔飯各一。海鱸魚用卡式便攜爐滾住，而且跟餐還會奉送手打檸檬茶一杯。鱸魚輕輕炸過，外脆內嫩，口感絕佳。配料有豆卜、萵筍、蓮藕和芽菜等。另外仲加咗響鈴、鹹蛋黃炸魚皮 同 豬肉丸，響鈴酥香鬆化、放入湯內數 2 秒就食得；炸魚皮沾滿咸蛋黃碎，放湯淨食都咁正！至於另一客無火生滾石鍋煲仔飯亦相當有趣，煲仔飯毋須用火，見店員將米飯、極品蟹皇湯底和材料放入石鍋內，自煮 12 分鐘就搞掂，熱焫焫、香噴噴！今次揀咗臘腸、臘鴨髀同排骨，臘腸油潤甘香、臘鴨軟腍入味，而排骨亦肥瘦適中，米飯滲滿臘味嘅油脂，入口粒粒分明，唔使加甜豉油已經好夠味。臨走發現原來餐廳而家做緊大優惠，下午4點後至6點前入座，惠顧烤魚或雞煲套餐，可享全單65折
早排聽朋友介紹過油麻地呢間「小草十八怪」，據說餐廳主打石鍋米線，配料選擇多多，而且烹調過程更可以自己 DIY，有得食又有得玩，非常特別！
趁今日行開呢頭，順便過嚟試下。舖面佈置得幾雅緻，加上一室霓虹燈裝飾，艷麗繽紛，為空間增添不少色彩。
餐牌包羅萬有，選項甚豐，除咗招牌米線外，仲有無火生滾石鍋煲仔飯、明爐烤魚、奄仔蟹雞煲同中式串燒等供應。
點咗兩份主食，明爐烤海鱸 配 火腿肉骨湯 同 石鍋煲仔飯各一。海鱸魚用卡式便攜爐滾住，而且跟餐還會奉送手打檸檬茶一杯。
鱸魚輕輕炸過，外脆內嫩，口感絕佳。配料有豆卜、萵筍、蓮藕和芽菜等。
另外仲加咗響鈴、鹹蛋黃炸魚皮 同 豬肉丸，響鈴酥香鬆化、放入湯內數 2 秒就食得；炸魚皮沾滿咸蛋黃碎，放湯淨食都咁正！
至於另一客無火生滾石鍋煲仔飯亦相當有趣，煲仔飯毋須用火，見店員將米飯、極品蟹皇湯底和材料放入石鍋內，自煮 12 分鐘就搞掂，熱焫焫、香噴噴！
今次揀咗臘腸、臘鴨髀同排骨，臘腸油潤甘香、臘鴨軟腍入味，而排骨亦肥瘦適中，米飯滲滿臘味嘅油脂，入口粒粒分明，唔使加甜豉油已經好夠味。
臨走發現原來餐廳而家做緊大優惠，下午4點後至6點前入座，惠顧烤魚或雞煲套餐，可享全單65折、6點後至7點前入座，全單75折、7點後入座就全單85折👍
張貼
