瑞士咖啡室 (已結業)

今日嚟到週末早上排隊排到開哂巷嘅瑞士咖啡室，今日排左15分鐘，全場搭枱，卡位小圓枱大圓枱統統要搭枱。最吸引嘅係佢個極品早餐，除左1碗鮑片肉丁通粉，火腿奄列，仲有1隻大。熱。狗。通粉奄列都係茶餐廳大路野，不過不失咁啦，但佢隻熱狗真係不得不讚！！好大隻，用料足，味道好，最緊要係有誠意，門口排哂隊成間鋪都係人咁多張單，但係隻熱狗係有烘過的，一啲都唔馬虎。不過奉勸一句，去得茶餐廳就唔好期望有好嘅服務，叫個人嚟落單都叫左5分鐘。