小曼谷泰國美食 (教育路)

營業中

休息中

泰國菜在香港佔有一定市場, 元朗也有泰國菜館, 小曼谷位於元朗教育路, 今日在元朗買海味, 正好來個四人套餐外賣回家品嚐。冬蔭雞湯酸酸地辣辣地相當醒胃, 雞件嫩滑。豬肉碎生菜包豬肉碎炒得香口, 生菜新鮮爽脆, 夾住食口感清新。泰皇咖喱炒紐西蘭青口青口大大隻非常肥美, 肉汁豐富, 咖喱醬汁配上金黃蛋黃, 滑溜可口。泰式蒜茸包麵包鬆脆, 蒜茸香口。泰式馬拉盞炒通菜通菜新鮮甜滑, 馬拉盞夠味鹹度適中。菠蘿雞肉炒飯飯粒炒得香口, 菠蘿雞肉份量足夠, 調味得宜。泰式鮮蝦炒金邊粉鮮蝦好大隻又爽脆, 甜酸醬汁令金邊粉吃起來更惹味甜品椰汁糕清甜美味充滿椰汁清香, 甜度適中。